tg-me.com/cooogfg/2717
Last Update:
قصیده بعنوان صباح العید 💎
صبـــح العـــید نــتعــنه للــگبور
انعایــــدکم یهلنه ابگلب مکسور
ــــــــــــــــــــــــــــ
اجانه العــــید ریـت العید لا بان
عله اخدودی الدمع امخلی نیشان
حیلی راح ویـــــــــاکم یلحــــنان
نشچی اهــمومنه والگلب مفطور
ــــــــــــــــــــــــــــــ💎
اشمــن بلگبر واصــرخ ولا هیــد
روحــی امفرفحه مشتاگه للحید
اعتابهــــم وادری الــعتب میفید
اصــــد المگبره چن یوم عاشور
ـــــــــــــــــــــــــــ💎
مــن یوم الغبت دلالی مــحزون
طفالی اغیابك نــــــــور العیون
یریــت الموتو فتـــــره ویردون
روحی چـن حمامه علیهم ادور
ــــــــــــــــــــــــــ💎
علمتو الگلب عـــــلونه والنـوح
شلــی بلعمر ما رایـــــده الروح
چملــتو الگلب والگلب مجروح
یـــوم العید چن تنور و ایفــور
ــــــــــــــــــــــــــــ💎
ارد الـدورکــــم واصیح ویــلی
وانظــــر للصور مفتوت حیـلی
ولــچ دم الدمع یا عیـــن سیلی
تهدم سگف بیتی و مایل السور
ـــــــــــــــــــــــــــ💎
شایل ویــــــــن حیدر یا ذرانـه
العیـــد العــــــید یا بویه لفــانه
نصبیــــــــــنه ابدیوانك عزانـه
تنـعالك یبــــــویه ظـلت الدور
ام مهدی مجدم✍🏻
قناة حسينيه ولايه
لا يجوز حذف الاسم الکاتب
✍الشاعره ام مهدي مجدم
https://www.tg-me.com/ua/قناة لوعة الزهراء الشاعره ام مهدي مجدم /com.cooogfg
BY قناة لوعة الزهراء 🏴الشاعره ام مهدي مجدم 🏴
Share with your friend now:
tg-me.com/cooogfg/2717